In detai

November 12, 2018

Sportel di assistence pe sigurece sul lavôr

sicurezza

Par vie dai resints events disastrôs che a àn interessât in particolâr la montagne Furlane, dopo dai prins intervents par contignî la emergjence, a saran cumò necessaris grues lavôrs di: risistemazion de viabilitât, manutenzion straordenarie di edificis e cors di aghe, metude in sigurece dai versants, recupar di masse legnose, che a compuartaran ancje un ciert grât di riscli pai operadôrs che a saran impegnâts. 

Par chest motîf, viodude di une bande la necessitât di agjevolâ une esecuzion veloce des oparis e di chê altre chê di garantî la massime incolumitât dai operadôrs, ancje al fin dal bon andament dai lavôrs, il Dipartiment di Prevenzion de AAS3, al met a disposizion lis propriis competencis tal ambit de sigurece e salût sul lavôr par furnî assistence aes impresis, ai professioniscj, ai aministradôrs e ai funzionaris publics, su lis miôr regulis di doprâ par evitâ l’acjadiment di infortunis e la esposizion a fatôrs di nocivitât pe salût. 

Par chest al è stât ativât un Sportel di Assistence pe Salût e Sigurece sul Lavôr, te sede dal Dipartiment di Prevenzion a Glemone in Place Baldissera. A fasaran part professioniscj esperts tal ambit de sigurece in edilizie e tai cantîrs boschîfs. Il sportel al è acessibil tai oraris di ufici (LUN. – VIN. 8.00 – 16.00) dopo di un contat telefonic ai numars: 0432 989510 - 0432 989511.

Al è aromai patrimoni comun che par garantî lis miôr cundizions di salût e sigurece sul lavôr e je prioritarie une atente planificazion dai intervents, l’ûs di struments idonis e une adeguade formazion dal personâl.

torne sù
ultime modificazion: November 20, 2018 Coments / Sugjeriments