Azienda per i Servizi Sanitari n. 3 - Alto Friuli

Si informe la zentîl utence che tacant di vinars ai 16 di Novembar dal 2018, inte sede dal Servizi Infermieristic Domiciliâr dal Distret 3 di San Denêl, al sarà viert

l’Ambulatori Infermieristic di Comunitât di San Denêl,

ogni vinars des 8.00 aes 10.00.

A puedin acedi al ambulatori ducj i citadins residents o cun domicili sanitari tai Comuns dal Distret 3 di San Denêl.

Tal ambulatori a vegnin erogadis, dome cun prescrizion mediche, prestazions infermieristichis come medicazions, intervents educatîfs par terapiis sotcutaniis e intramuscolârs e par monitorament dai parametris, gjestion di acès venôs e dispositîfs medics, e ancje intervents informatîfs/educatîfs su specifics bisugns e intervents di promozion ae salût.

Si pues rivâ tal ambulatori:

• A pît di Vie Trent e Triest, passant dilunc il Paveon S, o di Vie Carducci, de jentrade pai pedons che si cjate in bande al ingrès des machinis dai dipendents. Si fâs dut il viâl lant daûr des indicazions pal Servizi Infermieristic Domiciliâr (stes percors par rivâ a la Vuardie Mediche).
• In machine (consintît dome ai disabii) di Vie Carducci, al numar civic 8 (stes acès risiervât ai utents de Vuardie Mediche). Sunant il citofon al ven vierzût il porton che al permet la jentrade tal curtîl interni de aree ospedaliere.

Recapits telefonics:

• Ambulatori Infermieristic di Comunitât di San Denêl  tel 0432 949813
• Servizi Infermieristic Domiciliâr tel 0432 949359/949477 – fax 0432 949366