In detai

September 30, 2019

Ritîr dai referts: gnove modalitât di consegne telematiche

fse

Dai 19 di Setembar dal 2019 e je ative la consegne dai referts midiant Fassicul Sanitari Eletronic (FSE).

Cheste modalitât si zonte ae pussibilitât di ritirâ i referts on-line, za ative di timp tes Aziendis Sanitariis regjonâls (ritîr rifiertis on-line).

Intal câs di ritîr dal refert FSE, l'utent al podarà acedi in maniere autonome al Fassicul Sanitari Eletronic midiant de plateforme SE.SA.MO. (www.sesamo.sanita.fvg.it), dulà che a son a disposizion i propris referts, al baste che vê dât il consens ae alimentazion.

Par acedi al sît, l'utent al à prime di autenticâsi cuntune di chestis modalitâts:

  • Modalitât "Entra con SPID": si à di lâ daûr des modalitâts indicadis tal moment de ativazion de Identitât Digjitâl.
  • Modalitât "Entra con Login FVG": si à di inserî la Cjarte Regjonâl dai Servizis (CRS) za ATIVADE tal letôr di smart card colegât a un ordenadôr personâl: meti il PIN associât ae CRS.


Dopo fat l'acès, si pues visualizâ il refert dome se il sisteme al à verificât la presince dai consens al tratament dai dâts personâi, e ancje la conferme de esecuzion dal paiament, tal câs che al sedi dovût. In cheste maniere il refert al è simpri disponibil sul FSE.


Il refert stampât dal interessât al è une "copie conforme al origjinâl, firmade in maniere digjitâl", e al è valit dal pont di viste legâl; su richieste e je furnide la riproduzion grafiche dal document informatic.


Lis informazions completis a son disponibilis tal document in zonte.


• Informative complete [pdf - 158,59 KB] (il leam al vierç un gnûf barcon)

torne sù
ultime modificazion: September 30, 2019 Coments / Sugjeriments