P.A.S.S.I. - Progrès intes Aziendis Sanitariis pe Salût in...

P.A.S.S.I. – Rapuart ASS 3 "FRIÛL DE ALTE"

PASSI

Dilunc l’an 2005, la Organizazion Mondiâl de Sanitât e à confermât che lis malatiis che no si puedin trasmeti (chês di cûr e de circolazion dal sanc, cancars, diabete, malatiis cronichis de respirazion, malatie di muscui e di vues e problemis mentâi) a son colpe dal 86% des muarts in Europe cuntune tindince ae incressite (par esempli il diabete) e a doprin il 77% dal budget stanziât pe salût tai Paîs membris. Chestis malatiis a son peadis da fatôrs di risi comuns, a “stîi di vite”, massime alimentazion, fum, alcul, ativitât fisiche. Si che duncje ducj i metodis di prevenzion a medi e lunc tiermin a scugnin scandaiâ lis usancis a risi e se e cetant che a zovin lis ativitâts di prevenzion inte popolazion. Cheste cussience e je lade cressint ancje in Italie e, e je scomençade la sperimentazion di un sisteme di control de popolazion che al à cjapât dentri dutis lis Aziendis Sanitariis Talianis. Tal Novembar dal 2006, ancje te Aziende pai Servizis Sanitaris n. 3 “Friûl de Alte”, al è stât metût in vore il P.A.S.S.I.  (Progrès intes Aziendis Sanitariis pe Salût in Italie), un studi che si davuelç midiant un cuestionari compagn par ducj fat vie telefon indreçât a une une fasse di etât jenfri i 18 e i 69 agns rapresentatîf de Aziende Sanitarie n. 3 “Friûl de Alte”. Lis principâls cjossis scandaiâts a son la ativitât fisiche, il fum, la alimentazion, il consum di alcul, la sigurece stradâl, la pression alte, il colesterûl alt, i incidents in cjase, la sigurece alimentâr, la depression, il cancar tal pet, chel dal cuel dal utar e dal intestin. Cun di plui a son stâts cjapâts sù dâts su cualchi variabil demografiche e carateristichis fisichis, sul sintî dal propri stât di salût, su pes vacinis dai grancj e su pes malatiis di cûr e de circolazion dal sanc. La Direzion de Aziende Sanitarie e à cussì tirât dongje struments utii par capî i compuartaments a risi e i progrès dai programs di prevenzion des malatiis cronichis; par chest al è stât dât dongje e dât fûr chest librut, che al cîr di jonzi une vore di citadins dal Friûl de Alte. La voltade par furlan, fate in gracie de L. 482/99 “Normis in cont de tutele des minorancis linguistichis storichis”, e à il fin di svicinâ inmò di plui la comunicazion sociâl e sanitarie ai nestris citadins.

 il Diretôr Gjenerâl

torne sù

LIS RISULTIS DAL STUDI

Par vê plui informazions o sclariments si pues indreçâsi:

Andrea Iob
Tel. 0432 989500
dip@aas3.sanita.fvg.it
S.O.S. Midisine Preventive inte Comunitât – Dipartiment di Prevenzion
Plaçute Baldissera, 1 – 33013 Glemone

Si à un pinsîr di agrât par ducj chei che, intal Friûl de Alte, a àn rispuindût aes domandis cun disponibilitât e buinegracie, par lôr merit al è stât pussibil meti adun chest studi.

torne sù
ultime modificazion: April 24, 2015 Coments / Sugjeriments