Violence su lis Feminis

Violence su lis Feminis

PERAULIS DI ORDIN: cussience! - rompi il tasê!

Daûr de WHO (1997), la violence cuintri lis feminis e rapresente un probleme di salût une vore grant… pôc cuantificabil.

Trop ise frecuente la violence domestiche?

  • Une femine su 5 de popolazion mondiâl, tal cors de sô vite e sarà vitime di un stupri o di un tentatîf di violence sessuâl.....
  • ISTAT 2008: 14,3%  (7.000.000)  des feminis tra i 16 e i 70 agns e à subît violence fisiche o sessuâl  tal cors de vite de bande dal partner o ex partner
  • Ogni 7 minûts in Italie un om al stupre o al tente di stuprâ une femine.
  • In Italie ogni 3 dîs  e ven copade une femine.

Daûr de AMA (Associazion dai Miedis Americans):

Tai pront Socors/Med. di Urgjence lis feminis cun problemis di violence domestiche a son:

  • 25% des feminis refertadis in PS
  • 33% des feminis che a àn traumis fisics

Tai reparts ostetrics lis feminis cun problemis di violence domestiche a son:

  • 20% des feminis in gravidance

Tai reparts di pediatrie lis feminis cun problemis di violence domestiche a son:

  • 50% des maris di fruts abusâts

Tai reparts o ambulatoris internistics:

  • 25% des feminis a àn subît almancul un event di violence inte lôr vite
  • 16% des feminis a àn subît une violence intal ultin an de lôr vite

Daûr dal OMS la violence cuintri lis feminis e pues presentâsi come:

  • Violence sessuâl
  • Violence fisiche
  • Violence verbâl
  • Violence psicologjiche
  • Violence e maltrataments socio-relazionâi
  • Violence e maltrataments economics-lavoratîfs
  • Mobbing familiâr/coniugâl
  • Stalking
 
torne sù
stop violenza

LA CJAPADE IN CARIC INTEGRADE

Par frontâ lis dificoltâts e lis fragjilitâts de vitime i Servizis socio-sanitaris, e ducj i potenziâi atôrs Istituzionâi a lavorin in maniere integrade.

(clicâ su la imagjine in bande par visualizâ il scheme)

ESEMPLI di Percors di cjapade in caric integrade

  1. Femine che si indrece dal miedi di famee par segnalâ segns evidents di violencis a so dam, fatis dal compagn, che la fie piçule e à assistût
  2. Il Miedi al coinvolç i locâi Servizis Sociâi e al invie la femine tal Pront Socors pai aciertaments  (la vitime e ven acompagnade in  PS da la Assistente sociâl)
  3. Il Pront socors al alerte e al coinvolç lis Fuarcis dal Ordin
  4. La Assistente sociâl e condivît cu la femine la oportunitât di un colocament so e de fie piçule intune struture protete, inseriment in struture protete mari/fie
  5. Ativazion  des Autoritâts Judiziariis competentis (Procure Minorîl e Ordenarie)
  6. Inviament percors cun servizis e cubie (Consultori familiâr, Servizis Specialistics, Servizi Sociâl)

 VIOLENCE ASSISTUDE

E rapresente un impuartant riscli evolutîf e di scompens tal svilup psicoafetîf e sociâl pai fruts; al è un dam potenziâl che al coinvolç dutis lis areis di funzionament de persone: psicologjiche, relazionâl, emotive, cognitive, sociâl, fisiche, comportamentâl.

Se la violence che il frut al fâs esperience e sucêt dentri de relazion primarie afetive, cheste e devente rapresentative di jê e di ogni altre relazion. I fruts a imparin che la violence e je un compuartament lecit tai leams afetîfs e duncje in dutis lis relazions.

 PREVIGNÎ

Prevenzion primarie:

  - tal contest sociâl, in particolâr tes scuelis

Prevenzion secondarie:

  - rilevazion precoç de violence, intervents veloçs par fermâ la violence e protezi dutis lis vitimis

 Prevenzion terziarie:

  - judâ a frontâ la violence subide e a superâ il dam provocât di cheste

 

FONT: (Cjase des feminis par no subî violence - Violence assistude, violence vivude. La violence domestiche assistude dai fruts – 2005)

torne sù
ultime modificazion: September 28, 2017 Coments / Sugjeriments