Il teritori de Aziende 3 “Friûl de Alte – Culinâr – di Mieç”
La Aziende pe Assistence Sanitarie n. 3 "Friûl de Alte - Culinâr - di Mieç" e je presinte sul teritori dal Friûl Vignesie Julie, inte aree di mont cjapade dentri fra la Austrie, la Slovenie, il Venit, lis Prealps Cjargnelis e Juliis, slargjantsi inte zone culinâr dal Sandenelin, inte planure dal Codroipin, fin cuasi al mâr.
In plui che inte Direzion Gjenerâl logade a Glemone, la Aziende e je articolade in cuatri Distrets sociosanitaris e in trê struturis Dipartimentâls, unichis a nivel Aziendâl: il Dipartiment di Prevenzion, il Dipartiment di Salût mentâl e il Dipartiment pes Dipendencis.
I ponts di contat e di acès de utence ai servizis sociosanitaris a son costituîts, prin di dut, de assistence sociosanitarie di base, garantide di 151 Miedis di Medisine Gjenerâl e di 15 Pediatris di Libare Sielte.
La assistence infermieristiche e sociâl teritoriâl e je erogade di 8 ponts salût distribuîts intai cjanâi e intes diviersis zonis culinârs e de planure, e e je coordenade dai singui distrets.
Uniche te Regjon, la Aziende e à acuisît dai Comuns di 3 Distrets la deleghe pes funzions sociâls e di ducj i Comuns la deleghe pe disabilitât, che e gjestìs in maniere direte e che e integre cu lis funzions sanitariis, daûr il mandât concuardât an par an cui Comuns.
stampa