Dipartiment di prevenzion
Il Dipartiment di prevenzion al è chê struture operative che i fâs riferiment il complès des ativitâts indreçadis a garantî la tutele de salût coletive, perseguint obietîfs di promozion de salût e di prevenzion des malatiis e des disabilitâts, midiant azions par individuâ e dislontanâ lis causis di nocivitât e di malatie di origjin ambientâl, umane e animâl.
Tra i obietîfs prioritaris, in plui dai intervents di eficacitât za comprovade, e je la predisposizion di iniziativis par promovi e par disvilupâ compuartaments corets pe prevenzion di patologjiis cronichis degjenerativis, incidents, signestris e muarts evitabilis, promovint e coordenant iniziativis che a cjapin dentri ancje altris struturis aziendâls e/o istituzions esternis, associazions di categorie o di volontariât par disvilupâ une impostazion intersetoriâl.
stampa