A Glemone si pues rivâ sedi di Nord (Tarvis, Tumieç) che di Sud (Tarcint, Sant Denêl, Udin), midiant di tantis stradis.
Chê principâl e je la "SS 13 Pontebane", che e disfilie dut il teritori comunâl.
La citadine di Glemone e je componude di dôs zonis identificabilis tant che "Glemone Basse" (zone statâl, ferovie, ospedâl, e v.i.) e "Glemone Alte" (centri storic, Comun, Domo, e v.i.).
Il Presidi Ospedalîr pe Salût, la sede e part dai setôrs dal Distret 2 - Glemonàs, Valcjanâl e Cjanâl dal Fier, si cjatin ducj inte zone in bas (place Rodolone), dutune cul Servizi " Dipartiment des Dipendencis" (vie Battiferro, devant dal Ospedâl) e cul Centri di Salût Mentâl (vie Santa Lucia, dongje de Stazion): de statâl pontebane si van daûr des indicazions "Ospedâl".
Inte zone plui adalt si rive passant fûr pe citadine e lant daûr des indicazions par "Domo" o "Centri storic": in cheste aree si cjatin la sede de Direzion Gjenerâl, l'Ufici Relazions cul Public e i Uficis Aministratîfs (plaçute Portuzza), il Dipartiment di Prevenzion (sede: plaçute Baldissera; cualchi ambulatori si cjate in place Rodolone), i Servizis Sociâi e part dai setôrs dal Distret 2 (vie Brollo e plaçute Baldissera).
stampa