Dilunc il 2012 la Aas3 Aziende pe Assistence Sanitarie "Friûl de Alte – Culinâr – di Mieç" e à sielt di increditâ l’ospedâl di Tumieç-Glemone daûr dai standard de Joint Commission International, cul fin di:
- Miorâ la cualitât dai servizis di diagnosi e cure dâts fûr ai citadins
- Miorâ la sigurece dai malâts in cure tal Ospedâl
- Vualivâ i standard internazionâi plui alts, in viste de vierzidure 2013 des frontieris jenfri i Paîs Membris Europeans.
Ce ise la Joint Commission International?
Si trate di une organizazion indipendente, no governative, cence fins di vuadagn, ricognossude cjâf internazionâl tal cjamp dai progjets di miorament de cualitât in cjamp sanitari. La preparazion pe partecipazion al "esam" di increditament e à puartât a intervents struturâi, justaments pe sigurece, control de documentazion su pal malât e su pai procediments di cure, mioraments de organizazion, inscuelament dal personâl. Tant de visite, la comission americane e inglese e à controlât documents, scrutinât lis cartelis clinichis, fat domandis ae alte direzion, viodût i reparts e i ambulatoris, oltri che lis struturis (dal cjast fintremai ae cjanive).
Cheste la risulte de visite:
Preseât dr. Colle, nus fâs plasê mandâUs par vuestre cognossince la relazion finâl pal increditament JCI dal Ospedâl di Tumieç – Glemone de Aas3 Aziende pe Assistence Sanitarie "Friûl de Alte – Culinâr – di Mieç". In curt Us mandarìn ancje i certificâts JCI tant che Ospedâl increditât e o zontarìn la Aas3 Aziende pe Assistence Sanitarie "Friûl de Alte – Culinâr – di Mieç" Ospedâl Tumieç-Glemone te liste des organizazion increditadis sul sît web di JCI. O volìn complasêsi e ringraziâ ducj in Aas3 Aziende pe Assistence Sanitarie "Friûl de Alte – Culinâr – di Mieç" Ospedâl Tumieç-Glemone pal impegn pandût pal miorament de cualitât e de sigurece dal malât.
torne sù
stampa