Declarazion di bon acès

La costruzion di chest sît e à vût tant che concets di fonde il bon acès e la facilitât tal ûs, dutis lis pagjinis a son stadis metudis adun daûr dal Decret Ministeriâl di metude in vore de leç Stanca (Leç 4/2004 "Disposizions par seondâ l’acès ai sogjets disabii ai struments informatics") e aes liniis vuide WCAG 2.0 previodudis dal model internazionâl WAI Web Accessibility Initative, une iniziative dal consorzi mondiâl W3C che al stâ daûr par che la progjetazion dai sîts web e sedi par ducj compagne.

Fâ deventâ un sît acessibil al vûl dî permeti a ducj di gjoldi ad in plen dai contignûts, des informazions e dai servizis che chi si cjatin, di là dal sisteme operatîf, dai struments di navigazion (difarencis di visôr, tastiere o surîs), des impostazions dal navigadôr, e infûr de velocitât di conession che si à; cussì si fâs in mût che l'acès a servizis e informazions al sedi pardabon viert a ducj, ancje a chei che par colpe di disabilitâts a scugnin doprâ tecnologjiis assistudis o configurazions particolârs.

Dal pont di viste tecnic, lis struturis a son in XHTML 1.0 Strict, impagjinadis doprant dome sfueis di stîl CSS, no àn secuencis e obiets flash no acessibilis, no son stadis dopradis tabelis. Cun di plui:

  • a son stâts furnîts al utent ducj i tescj dai contignûts no testuâls (dutis lis figuris a àn une lôr descrizion tal boton ALT);
  • test e grafiche si capissin ancje se si viodin dome in blanc e neri;
  • la struture e je costruide cun marchîrs di pueste bogns di jessi lets di ogni sisteme di navigazion;
  • lis pagjinis si puedin viodi ancje se i javascript no sedin supuartâts o no sedin in vore tal sisteme di navigazion dal utent;
  • la grandece dai caratars e pues jessi impuestade daûr des preferencis metudis dal utent sul so navigadôr inte sielte "dimensione caratteri";
  • i cuestionaris a son imbastîts par permeti ai utents di viodi lis informazions, jemplâ i spazis e mandâ dâts par mieç di une vore di dispositîfs;
  • pai navigadôrs che no rivin adore di lei benon i CSS2 e je dut câs stade sigurade la plene comprension dai contignûts;
  • il sît si rive a navigâ ancje cun struments di navigazion assistude.

Il sît web al è stât provinât cui navigadôrs e i sistemis operatîfs plui cognossûts par podê mostrâ in ducj i câs une biele fate.

O vin fat il pussibil par sigurâ un alt nivel di acès e permeti a ducj cuancj, gjavant nissun, di doprâ il nestri sît cence intrics. Par lâ simpri in miôr o varessin dibisugne dal vuestri jutori e par chest us sburtìn a mandânus conseis doprant il cuestionari di pueste o scrivint ae direzion stefano.aristelli@aas3.sanita.fvg.it

torne sù

Par savênt di plui

Cul D.M. dai 20 di Març 2013 publicât te Gazete Uficiâl dai 16 di Setembar dal 2013 al è stât mudât e inzornât il zontât A dal decret 8 di Lui dal 2005 inmerit aes "Carateristichis tecnichis e diviers nivei pal acès ai struments informatics". Al è un inzornament des carateristichis di acès informatic des WCAG 1.0 aes WCAG 2.0.

“Normis par seondâ l’acès dai disabii ai struments informatics". Leç publicade inte Gazete Uficiâl n. 13 dai 17 di Zenâr dal 2004.

Regolament di metude in vore de leç 9 di Zenâr dal 2004, n. 4 par seondâ l’acès dai disabii ai struments informatics.

Pensade dal World Wide Web Consortium (W3C) par miorâ l'acès al World Wide Web di bande dai disabii.

  • WCAG 2.0 (il colegament al vierç une gnove barconete)

Blec di une schirie di liniis vuide pal acès ai sîts web publicadis dal Web Accessibility Initiative (WAI), che al fâs part dal World Wide Web Consortium (W3C).

L'XHTML (sigle di eXtensible HyperText Markup Language) al è un lengaç di segnadure che al met adun proprietâts dal XML cun altris dal HTML.

  • CSS 2 (il colegament al vierç une gnove barconete)  

Il CSS (Cascading Style Sheets o Sfueis di stîl) al è un lengaç informatic doprât par decidi la organizazion di documents HTML, XHTML e XML par esempli dentri di sîts web o des lôr pagjinis web.

torne sù
ultime modificazion: April 15, 2015 Coments / Sugjeriments