Il Responsabil dal procediment di publicazion

Compit dal Responsabil dal procediment di publicazion dai tescj dal sît al è chel di sigurâ la cualitât, la justece, la coretece, l'inzornament dai contignûts dal sît istituzionâl dal Ent.
In detai:

  • al decît lis politichis di inzornament dai contignûts e al è responsabil de lôr metude in vore;
  • al coordene e al gjestìs i contignûts e lis informazions che si cjatin sul sît web aziendâl;
  • al coordene e al gjestìs i procediments comunicatîfs de aministrazion;
  • al da dongje lis segnalazions sui contignûts zaromai vecjos e su pes diferencis jenfri informazions publicadis sul sît e chês che si cjatin tai documents origjinâi.

Il Responsabil dal Procediment di Publicazion de Aziende pe Assistence Sanitarie n.3 "Friûl de Alte - Culinâr – di Mieç" al è:

Olga Passera
telefon: 0432 989441
email: olga.passera@aas3.sanita.fvg.it

Normative in materie

Il responsabil dal procediment di publicazion e je une figure previodude de edizion 2010 des Liniis vuide pai sîts web de PA (art. 4 de Diretive 8/09 dal Ministeri pe publiche aministrazion e la inovazion

Dutis lis Aministrazion a son clamadis a sigurâ la cualitât dai contignûts publicâts sui lôr sîts, in tiermins di justece, coretece e inzornament. Il responsabil al scuen sigurâ une gjestion coordenade tant dai contignûts che des informazions on line cun chei dai procediments di redazion de Aministrazion. Il responsabil al scuen stâ atent a dutis chês segnalazions che a visin de presince di tescj sorpassâts o di informazions che no corispuindin a chês dai proviodiments origjinâi. Il responsabil dal procediment di publicazion (RPP) al è individuât tra i dipendents de aministrazion e, se nol ven nomenât, lis sôs funzions a àn di jessi davueltis dal cjâf de struture organizative de Aministrazion. Par chest rûl al è oportun che il RPP al sedi individuât tra i dipendents che a produsin i contingnûts e che al sei bon di identificâ la origjin di chescj par ogni necessitât di intervent. Cun di plui il RPP al scuen comunicâ cun facilitât cun cui che in concret al gestìs la publicazion.

 

torne sù
ultime modificazion: May 7, 2015 Coments / Sugjeriments