Esenzions e ticket

Ticket

Al è il cost che la leç e previôt a caric dal citadin par usufruî di prestazions specialistichis, tant che contribût o partecipazion ae spese sanitarie.
Si pues jessi esentâts dal paiament dal ticket par patologjie, par invaliditât, par etât/redit/cundizion sociâl o tant che subiets individuâts di normativis nazionâls e/o regjonâls.

torne sù

Ticket Pront Socors

L'acès ae struture di prin intervent al è regolât daûr codiçs di prioritât (ros, zâl, vert, blanc) definîts di normativis nazionâls e regjonâls, assegnâts dal operadôr dal "triage" al pazient, su la base de sintomatologjie declarade al moment dal acès.
Il sisteme di acet, daûr codiçs di gravitât, al permet la prioritât di acès a chei che ur son stâts assegnâts i codiçs; di consecuence, i pazients a vegnin visitâts in timps che no corispuindin al ordin che a son rivâts al Pront Socors.

Al è previodût il paiament de cuote fisse di € 25,00 pes prestazions gjoldudis pal acès ai servizis di Pront Socors dai ospedâi, cuant che la cundizion cliniche e sedi stade codificade dal Miedi dal Pront Socors, al at de dimission, tant che  "codiç blanc" sogjet a ticket.

La cuote fisse di € 25,00 no je dovude:
- di personis esentadis par patologjie, par invaliditât o par etât/redit/cundizion sociâl;
- dai fruts cun etât plui basse dai 14 agns;

Atenzion
Il citadin che al acêt al Pront Socors, al tiermin dal percors di cure al è tignût a tornâ li dal Servizi pe consegne de relazion sanitarie che e conten la diagnosi e lis eventuâls terapiis proponudis e ancje al paiament, se dovût, dal ticket relatîf .       

torne sù

Specialistiche e diagnostiche

Lis disposizions di leç in vore a previodin che ducj i citadins no esentâts a vedin di partecipâ ae spese su lis prestazions sanitariis specialistichis, di diagnostiche strumentâl e di laboratori, paiant:

● dut il cost des prestazions prescritis fin a un massim di € 36,00 par ricete;
● la cuote adizionâl e ven tornade a modulâ su la base dal cost de prestazion – viôt la tabele:

 da

a

cuote fisse

0,00

5,00

0,00

5,01

10,00

1,50

10,01

15,00

3,00

15,01

20,00

4,50

20,01

25,00

6,00

25,01

30,00

7,50

30,01

35,00

9,00

35,01

40,00

10,50

40,01

50,00

13,50

50,01

60,00

16,50

60,01

70,00

19,50

>70,01

 

20,00

La esenzion dal paiament de cuote ricete (Contribût sociâl)
E je previodude la pussibilitât di usufruî de esenzion totâl dal paiament de cuote ricete (si paie dome che il ticket de prestazion), pai nuclis familiârs residents in Friûl Vignesie Julie, cun indicadôr ISEE fin a 15.000,00 euros (includûts), calcolât in vie ordenarie.
Duncje no vegnin acetâts ISEE specifics par prestazions universitariis, sociosanitariis,sociosanitariis residenziâls, indreçadis a minôrs cun gjenitôrs no coniugâts tra di lôr e no convivents.

Cemût otignî il benefici:
Il citadin, al moment de prime prenotazion o dal prin acès par une prestazion sanitarie, al presente li dai bancs CUP la atestazion dal ISEE ordenari in cors di validitât (2016).

La esenzion par contribût sociâl no ven ripuartade su nissun document e/o impegnative. La informazion e ven memorizade dal sisteme, che ai acès sucessîfs al calcolarà in automatic la esenzion de cuote ricete.
La regjistrazion de atestazion ISEE e je cundizion necessarie par podênt gjoldi. No puedin jessi erogadis prestazions in esenzion de cuote ricete par contribût sociâl se l’interessât in maniere preventive nol à regjistrade la atestazion.

Durade dal benefici:
fin ai 15 di Zenâr dal 2017.

 

ESENZION
La esenzion e je la cundizion che e dispense dal oblic dal paiament dal ticket.

Il dirit ae esenzion dal ticket su lis prestazions di diagnostiche strumentâl, di laboratori e su chês altris prestazions di specialistiche ambulatoriâl al è ricognossût su la base di situazions particolârs di redit associadis ae etât o ae cundizion sociâl, in presince di determinadis patologjiis (cronichis o raris) o dal ricognossiment dal stât di invaliditât.

La esenzion, daûr i câs, e je totâl o dome pes prestazions coreladis ae patologjie.
In particolâr, par ce che al tocje la esenzion leade al redit al vûl specificât che il redit familiâr bas nol costituìs, di par se, motîf di esenzion. La leç, di fat, e prescrîf che la situazion economiche particolâr e sedi associade a altris cundizions specifichis tant che la etât, la titularitât di pension sociâl o minime, il stât di disocupazion.

torne sù

Esenzions ticket par redit/etât/cundizion sociâl (L.537/1993, art. 8, come 16 e ss.mm.ii.)

Daûr des gnovis modalitâts di verifiche des esenzions par redit, il miedi al à za in man i dâts dai tabulâts di cjarte o informatics che a ripuartin lis esenzions ticket par redit/etât, furnîts dal sisteme Tessare Sanitarie.

Al at de prescrizion il miedi al verifiche, su domande dal assistût, il dirit ae esenzion, lu comuniche al interessât che si assum la responsabilitât, e al scrîf il codiç relatîf su la ricete.

Se un assistût al stime di vê lis carateristichis pe esenzion dal ticket par redit/etât, ma nol è presint inte liste che al à il miedi, al à di indreçâsi ae proprie AAS di apartignince e autocertificâ la proprie cundizion dal redit. In riferiment al redit, si intint chel sporc complessîf, dal nucli familiâr, relatîf al an precedent. A son, duncje, esentâts par motîfs di redit/etât:

Codiç "E01"- citadins sot i 6 o sore i 65 agns, di nucli familiâr cun redit complessîf sporc riferît al an precedent no superiôr a € 36.151,98.

Codiç "E03" - titulârs di assegn (ex pension) sociâl e lôr familiârs a caric.

Codiç "E04" - titulârs di pension al minim, di plui di 60 agns, cun redit familiâr sporc complessîf, riferît al an precedent, plui bas di € 8.263,31; redit che al va incressût a €11.362,05 in presince dal coniugât no separât in maniere legâl, e di altris € 516,46 par ogni fi a caric. Esenzion ancje pai familiârs a caric.

E02disocupâts: si vise che cheste categorie, par motîfs tecnics leâts ae iscrizion aes listis dai Centris Provinciâi pal Implei, no si cjate intal sisteme Tessare Sanitarie.

La autocertifìcazion sul stât di disocupazion/redit al decjât ai 31 di Dicembar di ogni an. L’assistût, an par an, al prin acès tes struturis sanitariis par prenotâ o par gjoldi di prestazions, se a restin la cundizion di disocupazion e lis carateristichis di redit, al à di sotscrivi une gnove autocertificazion, indreçantsi ai bancs dal AAS di competence.

Codiç "E02" - sogjet titulâr de cundizion di disocupazion: cundizion che il sogjet, cence lavôr e disponibil daurman al davuelziment e ae ricercje di une ativitât di vore, al à declarade al ufici competent (Centri pal implei), pûr che al vedi un nucli familiâr cun redit complessîf al sporc, riferît al an precedent, plui bas di € 8.263,31 par persone singule. Chest redit al va incressût a € 11.362,05 euros in presince di un coniugât e di altris € 516,46 par ogni fi a caric.

Atenzion Intal câs là che no sedin plui lis carateristichis dal dirit ae esenzion atestade (etât/redit/cundizion sociâl), il certificât nol è plui bon e il citadin al è tignût a informâ la AAS di competence.

torne sù

Esentâts totâi dal paiament di prestazions specialistichis

• invalits di vuere de I ae V categorie titulârs di pension direte vitalizie e depuartâts in cjamp di stermini
• invalits civîi (al 100% di invaliditât)
• invalits civîi cun invaliditât superiôr ai 2/3 (67%–99%)
• invalits civîi minôrs di 18 agns, cun indenitât di frecuence ex art.1, L. N. 289/1990 (ex art. 5, c. 8 dal D. Lgj. n. 124/1998).
• invalits civîi cun assegn di acompagnament
• grancj invalits dal lavôr (80%–100% di invaliditât)
• invalits dal lavôr cun invaliditât superiôr ai 2/3 (dal 67%–79%)
• grancj invalits di servizi (a son de I categorie e titulârs di pension specifiche)
• invalits di servizi de II ae V categorie
• vuarps ex lege 68/99
• sorts e muts ex lege 68/99

torne sù

Esentâts dal paiament di prestazions specialistichis coreladis ae patologjie

• subiets danezâts di complicazions di gjenar ireversibil par vie di vacinis obligatoriis, trasfusions e soministrazions di emoderivâts, daûr dal art. 1 leç 210/92
• malâts di formis morbosis o cundizions listadis dal Decret Ministeriâl 28.05.1999, n.329
• invalits di vuere de VI ae VIII categorie titulârs di pension direte vitalizie
• invalits dal lavôr cun invaliditât plui basse dai 2/3
• invalits di servizi de VI ae VIII categorie
• infortunâts sul lavôr o cun malatiis professionâls (esenzion limitade al periodi di signestri/malatie)
• prestazions dal art. 1, c. 4 e 5 dal D.Lgj. 29.04.1998, n. 124: intervents e campagnis di prevenzion coletive autorizâts de Regjon o dal Ministeri de Sanitât; prestazions che a derivin di oblics di leç;
• prestazions disponudis intal interès prevalent de coletivitât (par esempli: ats di donazion di sanc, orghins e tiessûts, intervents di medisine scolastiche, intervents specialistics di neuropsichiatrie infantîl – in conession strente cu lis struturis sociâls – prestazions indreçadis a subiets che a frecuentin il Sert su prescrizion/propueste dal Sert, e v.i.);
• vitimis di terorisim o criminalitât cun invaliditât superiôr a 1/4
• DM 10.09.98 “Protocol su la gravidance”
• DM 18.02.82 “Protocol su la medisine dal sport – minôrs di agns 18 che si inviin ae ativitât  sportive agonistiche”
• DM 18.05.2001 “Regolament di istituzion de rêt nazionâl des malatiis raris e di esenzion de partecipazion al cost des prestazions sanitariis relativis”

torne sù

Esentâts par diagnosi precoce tumôrs

Di là des prestazions diagnostichis ufiertis in maniere ative des Aziendis sanitariis locâls intal ambit des campagnis di screening, il Servizi sanitari nazionâl al garantìs la esecuzion gratuite dai aciertaments pe diagnosi precoce di cualchi tumôr. In particolâr, a puedin jessi fats in esenzion dal ticket:

• la mamografie, ogni doi agns, a pro des feminis in etât tra i 45 e i 69 agns; daûr dal esam mamografic, se al covente, si fasin a gratis ancje lis prestazions di secont nivel.
• l'esam citologjic dal cuel dal utar (PAP Test), ogni trê agns, a pro des feminis in etât tra i 25 e i 65 agns;
• la colonscopie, ogni cinc agns, a pro de popolazion di etât superiôr ai 45 agns.

torne sù

Ministeri de Salût

Il colegament seguitîf al rimande al sît dal Ministeri de Salût, li che al è pussibil cjatâ altris informazions.

Ministeri de Salût

torne sù
ultime modificazion: August 24, 2016 Coments / Sugjeriments