118
Il 118 al è il servizi che al gjestìs lis emergjencis sanitariis in dute la Regjon.
La clamade e je gratuite di telefon fis, dai celulârs (cualchi operadôr al permet la clamade ancje a credit esaurît) e dai telefons publics (cence l'inseriment di schede telefoniche). Nol covente modificâ in nissun câs il numar o zontâ prefìs.
Il servizi, atîf 24 oris su 24, al proviôt ae spedizion di ambulancis o de vuardie mediche (di là di gjestî lis emergjencis veterinariis e ecologjichis igjienistis); l'operadôr che al rispuint al è un infermîr che i fasarà a cui che al à clamât cualchi domande: di dulà che si clame, indicazions pratichis par rivâ al lûc, numar di telefon di indulà che si clame, ce che al è sucedût, tropis personis che a son cjapadis dentri tal event, e v.i.
Mantignî la calme e colaborâ cul operadôr al covente par dâ mût al servizi di otignî informazions detaiadis e precisis, contribuint a fâ in mût che l'intervent al sedi plui svelt e diret.
Altris informazions sul sisteme des Emergjencis Sanitariis in Friûl Vignesie Julie si lis cjate sul sît de Regjon FVJ.
- 118 - jessi pront al jude il socors - Campagne Informative [pdf - 605.89 KB] (il link al vierç une gnove barconete)
stampa