Ricovar urgjent
Al ven disponût da miedis di Pront Socors che a valutin su la base dal cuadri clinic e dai esams fats la dibisugne dal ricovar.
L'acès al Pront Socors al pues jessi fat:
• in maniere direte, ancje cence prescrizion dal miedi;
• midiant clamade al 118.
Ricovar programât
Al è un ricovar no urgjent che al pues jessi proponût dal specialist o dal miedi di medisine gjenerâl ma la domande e ven dut câs validade dal miedi ospedalîr. I timps e lis modalitâts dal ricovar a vegnin concuardadis tra la struture e l'interessât.
Day Hospital e Day Surgery
E je une degjence diurne programade tal servizi par un o plui dîs. Si acêt midiant propueste dai miedis dal servizi o daûr de propueste dal miedi curant.
Osservazion temporanie
Il pazient al ven tignût in osservazion par un periodi ancje lunc, necessari par verificâ la evoluzion dal so stât di salût. Il periodi di osservazion al è sot des 24 oris e nol è calcolât ricovar.
torne sù