Conseis su ce puartâ cun se
Conseis su ce puartâ cun se:
I efiets personâi che a coventin cuant che si è ricoverâts a son:
- document di ricognossiment;
- tessare sanitarie;
- documentazion cliniche;
- farmacs assumûts in mût abituâl a cjase;
- blancjarie intime, pigjame o vieste di cjamare, çavatis, suiemans e ce che al covente pe igjiene personâl.
Si consee di no puartâ (se nol fos pussibil, visâ il personâl par concuardâ la lôr custodie):
- ogjets di valôr;
- gruessis sumis di valôr.
torne sù
Farmacs
Puartâ cun se i farmacs che si assumin a cjase parcè che il miedi di repart al verificarà la compatibilitât cu la cure fissade in ospedâl; il ricoverât, dut câs, nol à di assumiju, ma al à di intignîsi ae terapie che i ven prescrite in repart.
torne sùAssistence ai degjents
La assistence ai pazients e je garantide dal personâl in servizi. In câs particolârs e pues jessi domandade la colaborazion dai familiârs, che e ven concuardade in maniere preventive cul coordenadôr infermieristic o cul infermîr presint. Par motîfs di coretece, il personâl nol pues furnî indicazions su agjenziis o personâl pe assistence privade.
torne sùForescj
Il personâl di repart al pues avalêsi, in câs di dibisugne o su domande dal interessât, dal aiût di mediatôrs linguistics e culturâi a supuart des ativitâts clinichis e assistenziâls.
torne sùCertificâts di ricovar
Certificât di ricovar provisori:
al pues jessi domandât in cualsisedi moment dal ricovar ae Coordenadore infermieristiche.
Certificât di ricovar definitîf:
se domandât, al ven consegnât in maniere direte al utent in repart, al at de dimission.
Altris servizis
In ospedâl a son disponibii:
- servizi bancomat;
- bar - edicule;
- distributôrs automatics di bevandis e aliments;
- cambiemonede;
- cabinis telefonichis e distributôr di schedis.
Telefons
Par motîfs di rispiet si domande a degjents e ai visitadôrs di doprâ i telefons celulârs cun discrezion, lant fûr dal repart par telefonâ. Pes telefonadis ai ricoverâts, si pues contatâ in maniere direte l'interni dal repart tal dopomisdì.
Altris informazions
Tal câs che a coventin aprofondiments o di altris informazions che no si cjatin in chest depliant, si pues indreçâsi ai operadôrs dal servizi.
Graciis pe cooperazion che nus darês dilunc dal periodi di permanence intal repart.
stampa