SESAMO
Ce isal?
SESAMO al è il portâl informatic dedicât ae salût, che al permet ai citadins maiôrs di etât iscrits ae anagrafe sanitarie de Regjon di viodi la documentazion cliniche prodote des struturis sanitariis publichis che ju rivuarde, di autorizâ struturis e professioniscj ae vision de documentazion e di acedi ai servizis sanitaris di utilitât.
Ai citadins minôrs, o subiets a tutele, al è permetût l'acès cun deleghe.
Doprâ SESAMO al semplifiche la vite e nol incît su lis prestazions sanitariis, che a son dut câs simpri garantidis dal Servizi Sanitari Regjonâl.
Par informazions e par assistence clamâ il numar 0434 223555
dal lunis al vinars des 9.00 aes 17.00
la sabide des 9.00 aes 12.00
- Opuscul [pdf - 1.71 MB] (il link al vierç une gnove barconete)
- Manifest [pdf - 887.3 KB] (il link al vierç une gnove barconete)
- Locandine [pdf - 890.04 KB] (il link al vierç une gnove barconete)
- Vierziti SESAMO (il link al vierç une gnove barconete)
Servizis fast
A son servizis sanitaris a acès svelt, cence oblic di autenticazion:
- Verifiche dai timps di spiete in Pront Socors
- Sielte di un gnûf miedi o di un pediatri
- Verifiche dai oraris e dai recapits di miedis e di pediatris
- Ritîr dai risultâts
- Prenotazion e verifiche dai timps di spiete di une prestazion
- Anulament di une prenotazion
- Paiament dal ticket
- Ricercje di une farmacie vierte
- Ricercje dal sfueut ilustratîf di un farmac
Fassicul eletronic
L'acès ae proprie storie cliniche al è risiervât e protet e al è permetût dopo de autenticazion midiant la Cjarte Regjonâl dai Servizis (e à di jessi ative, doprant il letôr Smart Card), o midiant lis credenziâls SPID.
La visibilitât dai documents dentri dal fassicul e je condizionade al consens dât, che al pues jessi esprimût ancje vie on line midiant di SESAMO. Intal fassicul a son visibii dome documents firmâts in maniere digjitâl dal professionist che ju à prodots e dâts fûr di struturis sanitariis publichis.
Acès midiant de Smart Card (CRS)
L'acès midiant de Cjarte Regjonâl dai Servizis al è pussibil vint il PIN e il letôr Smart Card.
Par aprofondî, consultâ il sît de Regjon.
- Cjarte Regjonâl dai Servizis(il leam al vierç un gnûf barcon)
Acès midiant di SPID
SPID al è il Sisteme Public di Identitât Digjitâl e al permet di acedi a ducj i servizis on line de Aministrazion Publiche cuntune uniche identitât digjitâl.
Par aprofondî consultâ il sît.
- Domande des credenziâls SPID (il leam al vierç un gnûf barcon)
- Cemût domandâ SPID (tutorial) - di persone (il leam al vierç un gnûf barcon)
- Cemût domandâ SPID (tutorial) - on line (il leam al vierç un gnûf barcon)
- Cemût domandâ SPID (tutorial) - vie webcam (il leam al vierç un gnûf barcon)
stampa