Trê i principis di fonde pe scree dal gnûf sît de Aziende pe Assistence Sanitarie n.3 "Friûl de Alte - Culinâr – di Mieç": in prin plan lis dibisugnis dai citadins; l’acès totâl; la partecipazion.
Il sît al è stât inmaneât par facilitâ il plui pussibil la cercje e la consultazion cence intrics di informazions. O sin sigûrs che no coventarà nissun sclariment par rivâ a doprâlu benon. Dut câs o sin cierts che la difusion di internet e imponi che il so ûs al sedi il plui intuitîf pussibil: ducj i sîts a varessin di podê jessi consultâts cun eficacie, eficience e agradiment cence che i utents a vebin scugnût fâ cors o domandâ informazion par doprâju.
Par altri stimìn just sclarî cun cheste vuide lis fasis metudis in vore par jonzi i obietîfs stabilîts, di mût che si puedi capî il criteri che nus à vuidât inte realizazion dal sît.
torne sùIn prin plan lis dibisugnis dai citadins
La fonde dal progjet pe scree dal gnûf sît e je chê di: furnî ai citadins une rispueste svelte aes lôr dibisugnis. Ducj chei che a àn cjapât part ae creazion de struture organizative, logjiche e semantiche des informazions, de grafiche, dai struments di cercje e de ideazion dai contignûts, lu à fat simpri tignint ad a ments il pont di viste dal citadin.
I imprescj pe navigazion a son sempliçs e visibii pulît intes pagjinis, simpri logjics dentri de suaze ma ancje flessibii, in maniere di permeti a ducj i utents di stabilî il percors di navigazion preferît.
La grafiche, mai fin a se stesse, e je pensade par insiorâ e incressi la comunicazion: lis imagjins, i colôrs, la fate dai caratars e ducj i elements visîfs a son studiâts par sveltî e slizerî la comunicazion.
Inte metude in vore dai struments di cercje si è stât cetant atents stant che inte moderne societât de informazion i motôrs di ricercje a son il strument plui impuartant par acedi ae cognossince. Chescj struments a son pardut inte struture dal sît e, come ducj i principâi motôrs di ricercje dal web, si fondin suntun motôr di indicizazion sintatic. In plui però si son zontadis des carateristichis semantichis che a permetin ai struments di ricercje di capî la suaze indulà che si cjatin lis peraulis.
Par chest motîf ogni contignût al è ordenât su la fonde de fasse di utence che al è destinât e al specific event de vite che si riferìs. Cussì l'utent al pues decidi di viodi i contignûts che a rivuardi un event, par esempli "vivi la nature e l'ambient", o pûr scrivi "çumâ e mangjâ foncs" intun cjamp di ricercje di pueste: il sît al palesarà simpri i contignûts adats.
Chest lavôr al cjate la sô plui grande espression tal Indulà lâ par…, imprest di cercje che al permet di lumâ lis sedis che a dan fûr servizis che a interessin logantlis suntune mape dinamiche dal teritori, in maniere che il citadin al puedi savê a colp dulà lâ par vê ce che al à dibisugne.
torne sùL'acès totâl
Cetante impuartance e à vût te realizazion dal sît la gnove nozion di trasparence pandude dal articul 11 dal D.Lgs. n. 150/2009. Trasparence di intindisi tant che acès ad in plen aes informazions che a tocjin ducj i aspiets de organizazion, cul fin di seondâ il control par che i principis di bon andament e imparzialitât ai sedin rispietâts.
Cheste maniere di pensâ la trasparence, cu la introduzion di gnovis formis di control sociâl dentri des voris de publiche aministrazion, e permet di meti adun i ordenaris controi internis cuntune pression esterne di mût che i servizis ufierts a sedin avuâl ai nivei internazionâi di cualitât, e ancje a palesâ i obietîfs e lis risultis jonzudis.
La trasparence no à di jessi intindude dome come la aministrazion che e “justifiche” ae opinion publiche su “ce che e fâs” e su “cemût che lu fâs”, ma come une “gnove maniere di scolte” che e dopri lis critichis par lâ simpri di plui in miôr.
Par chest motîf il gnûf sît al sburte e al zove ae partecipazion e coinvolziment di ducj. Par esempli si pues, par mieç di form on line di pueste, pandi un judizi sul sît web o dâ un sugjeriment par miorâlu o mendâ une falope.
Il sît al è ancje furnît di un sisteme inzegnôs pal scandai des statistichis di jentrade che al permet di misurâ, in mût anonim e daûr de normative su pe privacy, l’agradiment dai utents, studiant il lôr compuartament tes pagjinis viodudis. Si che duncje, lis statistichis di acès si pandin tant che un strument di fonde pal miorament dal sît. Par esempli si puedin lumâ lis peraulis clâf plui dopradis par fâ ricercjis tal sît, scuvierzint cussì i servizis e lis informazions che i utents a pensin di cjatâ.
Lis carateristichis di forme domandadis de normative in vore a son stadis pardabon rispietadis: in cont di chest si viodi la declarazion di acès.
Un bon spieli pal acès totâl al è l’organigram. Chest al permet di navigâ inte organizazion aziendâl, pandint ancje lis relazions jenfri lis struturis. Par ognidune di chestis si cjatin lis direzions principâls di dutis lis sedis, ancje cu la pussibilitât di lumâlis su pe mape dinamiche, e ancje i riferiments, i curricula e lis fotos dai responsabii e des posizions organizativis.
torne sùPartecipazion
La partecipazion di ducj i utents e je pardabon une pussibilitât di miorament continui. Par chest il progjet di costruzion dal gnûf sît al à previodude da biel principi.
Lis carateristichis tecnichis e funzionâls de plateforme di gjestion dai contignûts prontade de Insiel spa a son stadis lumadis midiant un procediment che al à viodût la partecipazion di dutis lis Aziendis Sanitariis de Regjon.
Dai risultâts chesivaran a divignarà une soluzion avuâl par dutis chês altris Aziendis Sanitariis de Regjon Friûl Vignesie Julie.
torne sù
stampa