Citadins forescj in permanence temporanie o che a stan regolarmentri in Italie
Information in foreign languages
Sudividûts in funzion de iscrizion o mancul al Servizi sanitari nazionâl:
- Il forest iscrit al Servizi Sanitari Nazionâl insiemi cui familiârs a caric al à di vê la tessare sanitarie tant che i citadins talians. Il pazient al pues usufruî des prestazions dal S.S.N. tal stes mût dal citadin talian e al varà duncje i stes oblics (par esempli, il paiament dal ticket par prestazion no urgjente);
- Se nol è iscrit al SSN e nol à documentazion idonie, il forest al è tignût a paiâ dal dut lis prestazions, e lis eventuâls prescrizions/propuestis no vignaran fatis sul ricetari dal SSN.
Assistence sanitarie talians tal forest e forescj in Italie
torne sù
Citadins forescj extracomunitaris no in regule cu lis normis di jentrade e di permanence
Tal câs che a sedin cence risorsis economichis suficientis, a vegnin garantidis, intai presidis publics e increditâts, la assistence ospedaliere e lis curis ambulatoriâls urgjentis o dut câs essenziâls, e ancje continuativis par malatie e infortuni, e a son slargjâts i programs di medisine preventive a difese de salût individuâl e coletive. Chestis prestazions a son garantidis a caric dal SSN; l’utent al è tignût dut câs a corispuindi la cuote di compartecipazion ae spese previodude pai iscrits al SSN.
torne sùTessare STP - Forescj presints in maniere temporanie
La emission di un tessarin cul codiç STP (Forescj presints in maniere temporanie), dât fûr di A.S.S., A.S.L., A.O., I.R.C.S.S. e Policlinics Universitaris e je subordenade a une declarazion di puaretât de bande dal forest midiant de compilazion dal model previodût dal Ministeri de Salût, che al reste ai ats de struture emitente. Pe compilazion di cheste declarazion nol è domandât nissun document di ricognossiment e e ven fate tai uficis aministratîfs distretuâi e tai uficis di acetazion dai presidis ospedalîrs. Come pai citadins talians, l'acès aes struturis sanitariis nol pues compuartâ nissun gjenar di segnalazion, fûr che tai câs li che al sedi obligatori il refert. Il tessarin STP e à validitât semestrâl, rinovabil in câs di permanence in Italie, e al vâl su dut il teritori nazionâl.
Pe AAS3, la tessare e ven dade dome dai Uficis Anagrafe Sanitarie dai Distrets. Pai ricovars urgjents, l'ufici ricovars al racuei la documentazion e le invie al distret, che si interesse di mandâ la tessare STP di gnûf al ufici ricovars.
stampa