Beneficis pal abatiment des retis a cjame des fameis pe frecuence di servizis educatîfs pe prime infanzie

Al è un benefici economic pe riduzion des retis dai asîi nît e dai servizis integratîfs (centris par fruts e gjenitôrs, spazis pal zûc, servizis educatîfs domiciliârs) o sperimentâi pe prime infanzie.
Aes fameis che a iscrivin i fruts ai asîi nît o a di chei altris servizis e ven aplicade une rete di frecuence ridote: la diference e je rimborsade ai gjestôrs dai nîts e dai servizis.
Cui puedial beneficiâ de riduzion?
La riduzion (ven a stâi l'abatiment des retis) i spiete al:
- nucli familiâr cuntun unic fi minôr e ISEE fin a 30.000 euros, là che almancul un gjenitôr al è resident o al lavore intal teritori regjonâl di almancul un an;
- nucli familiâr cun doi o plui fîs minôrs e ISEE fin a 50.000 euros, là che almancul un gjenitôr al è resident o al lavore intal teritori regjonâl di almancul un an;
- maris di fîs minôrs, residentis o che a lavorin intal teritori regjonâl di almancul un an, inseridis intun percors personalizât - atestât in maniere adeguade - di protezion e di poie pe jessude di situazions di violence, ancje cence la presentazion de declarazion ISEE, che a àn iscrit i lôr frutins o chei che ur stan par nassi a un nît o a un servizi pe prime infanzie par une frecuence di almancul 30 oris al mês.
I fruts a puedin jessi iscrits a un nît o a un servizi ancje par une frecuence mensîl plui basse des 30 oris: in chest câs, l’ISEE de famee nol à di passâ i 10.000 euros.
Atenzion: nol pues beneficiâ de riduzion cui che al à iscrit il fi a chês che ur disin sezions “primavera” o “ponte".
In zonte altris informazions: avîs e domandis di partecipazion par ambit singul di riferiment.
- Avviso Carnia [pdf - 503.71 KB] (il link al vierç une gnove barconete)
- Domanda Carnia [pdf - 300.11 KB] (il link al vierç une gnove barconete)
- Avviso Gemonese [pdf - 207.22 KB] (il link al vierç une gnove barconete)
- Domanda Gemonese [pdf - 403.92 KB] (il link al vierç une gnove barconete)
- Domanda Comune Tarvisio [pdf - 403.89 KB] (il link al vierç une gnove barconete)
- Avviso Collinare [pdf - 72.73 KB] (il link al vierç une gnove barconete)
- Domanda Collinare [pdf - 360.6 KB] (il link al vierç une gnove barconete)