Aliments cence glutin. Gnûfs limits di spese in vore dal 1n di Avrîl dal 2019
La Zonte regjonâl, cun deliberazion n. 94/2019 e à stabilît che, tacant dal 1n di Avrîl dal 2019, ogni an lis Aziendis sanitariis a àn di ricognossi ai pazients cun malatie celiache (comprendude la variante cliniche de dermatite erpetiforme) un contribût mensîl in proporzion ai limits di spese fissâts dal Decret dal Ministeri de Salût dai 10 di Avost dal 2018.
Lis Aziendis a laran indenant a dâ fûr i bogns-ricete di cjarte (fin a gnovis indicazions in merit ae dematerializazion dai bogns) cui gnûfs impuarts specificâts tal Decret dal Ministeri, di podê spindi dal prossim 1n di Avrîl vie pal mês di validitât, e spartîts in plui bogns di cifre divierse par permeti une fruizion frazionade.
I uficis di distret competents a restin a disposizion dai interessâts par ogni altri sclariment dal câs.
torne sù
stampa