Invecjament atîf - iniziative de Regjon FVG
La Regjon e sta pontant a trasformâ l'invecjament de popolazion in oportunitâts di svilup sociâl e economic.
Par fâ chest tal 2014 si è dotade di une Leç regjonâl pe promozion dal invecjament atîf e di chê volte a son stâts aprovâts il Program trienâl 2016-2018 e i Plans anuâi leâts a chest.
Par rispuindi a lis domandis des associazions e dai ents che a àn partecipât ae scriture dal Program trienâl, lis 5 Direzions regjonâls impegnadis pe Promozion dal invecjament atîf, a àn decidût di creâ un Portâl sul invecjament atîf par:
- dâ visibilitât a dut ce che la Regjon za e fâs tal ambit dal invecjament atîf;
- meti in rêt ducj i sogjets che a operin in chest ambit par condividi informazions, buinis pratichis, oportunitâts di colaborazions e dâ plui visibilitât a ce che a fasin tal teritori regjonâl.
O invidìn, duncje, dutis lis associazions a iscrivisi al portâl; dutis lis domandis di iscrizions a saran valutadis de redazion dal sît, par verificâ la atinence des ativitâts fatis cun chês dal invecjament atîf.
Dome dopo de aprovazion dai recuisîts, a saran inviadis lis credenziâls utilis a completâ la iscrizion e intune fase seguitive a inserî news e events.
Dutis lis informazions inseridis des associazions e dai ents a saran publicadis sul portâl, dopo de validazion de redazion.
Il link par acedi al portâl: https://invecchiamentoattivo.regione.fvg.it/
torne sù