Il progjet ALIAS al è indreçât ae creazion di un “ospedâl virtuâl des Alps”: une struture no materiâl che, par mieç di une plateforme tecnologjiche comune e dai struments de telemidisine, e sedi buine di peâ lis competencis di ducj i presidis e dal personâl medic, di sigurâ il scambi e la condivision des informazions sanitariis e in fin dai conts di miorâ la capacitât di diagnosie cure tai pazients.
Lis regjons che a cjapin part al progjet a son lis Rhone Alps, la Lombardie (osp. Varese), il Friûl (Insiel – osp. Tumieç), Villach, Garmisch, Izola, Golnik, Ginevre.
Ancje la nestre Aziende e cjape part a chest progjet cul ospedâl di Tumieç: i servizis che si stime di incressi a son chei di tele consult (2nd opinion e chei indreçâts a seondâ la comunicazion rispiet ai pazients che a fasin riferiment par competence aes regjons pandudis tal pont precedent).
Lis specialitâts e i responsabii de SO che a son dentri tal progjet, par l’ospedâl di Tumieç a son l’ORL, la Gjinecologjie e Ostetricie, la Ortopedie e Endoscopie digjestive.
Il progjet si davuelç midiant incuintris (cualchidun bielzà stât e cualchidun di fâ) che si fasaran intes sedis des struturis partecipantis. L’ultin incuintri al è stât fat a Glemone ai 7 e 8 di Setembar.
torne sù
stampa