Domande copie cartelis clinichis

  •    indiç   

Cui che al pues domandâ la copie de documentazion cliniche

  • Il titulâr de documentazion
  • Une persone delegade
  • I erêts
  • Cui che al à la potestât patrie o la tutele legâl pai minôrs, inabilitâts o interdets
torne sù

Dulà che si domande

La domande par vê documents sanitaris (copie de cartele cliniche e/o di materiâl iconografic radiologjic su CD) si pues fâ:

  • tai CUP dal Presidi Ospedalîr di San Denêl - Tumieç (te sede di Tumieç o pûr te sede di San Denêl)
  • tal CUP dal POS di Glemone.
torne sù

Cemût che si domande

1) Di persone tai sportei CUP

Tai sportei dai CUP, la domande e pues jessi presentade o dal interessât cuntun document di identitât valevul, o pûr di un so incaricât cun deleghe, document di identitât valevul, e fotocopie dal document di identitât dal delegant. I erêts a àn di zontâ une autocertificazion o une declarazion sostitutive dal at di notorietât che a provin la lôr posizion.

2) Par pueste (Protocol gjenerâl de A.A.S. n. 3 Friûl de Alte - Culinâr - di Mieç; Plaçute Portuzza, 2 - 33013, Glemone)

Par pueste: si à di mandâ il modul de domande compilât e firmât, zontant la copie di un document di identitât valevul e la copie de ricevude dal paiament.

3) Midiant di pueste eletroniche:

Midiant di pueste eletroniche: si à di mandâ il modul de domande compilât e firmât, zontant la copie di un document di identitât valevul e la copie de ricevude dal paiament.

torne sù

Cemût che si ritire

  • di persone tai sportei CUP;
  • midiant di spedizion postâl, se si le à domandade tal moment de presentazion de istance.

1)     Tai sportei CUP: l’interessât al pues ritirâ la documentazion presentant un document di identitât valevul; o pûr, al pues fâlu un so incaricât cuntune deleghe, cuntun document di identitât so e cun chel (ancje in copie) dal delegant;                 

2)     Midiant di pueste ordenarie: la documentazion e pues jessi spedide al domicili dal interessât, o a un recapit diferent, se al ven specificât tal moment che si fâs la domande; il paiament des spesis postâls (racomandade A/R e contrassegn) al è a caric dal destinatari/ricevent.

torne sù

Sede e Oraris dai sportei CUP (Centri Unic di Prenotazion)

1)     Sede di San Denêl (Udin)

Vie Trento-Trieste, Paveon S, plan tiere.

Dal lunis al vinars, des 9.45 aes 17.30 (l’elimine codis al è in funzion des 9.45 aes 17.15);

Sabide, des 9.45 aes 12.00 (l’elimine codis al è in funzion des 9.45 aes 11.45).

2)      Sede di Tumieç (Udin)

Vie G.B. Morgagni, Paveon di jentrade, plan tiere dal edifici gnûf

Dal lunis al vinars, des 9.45 aes 18.30 (l’elimine codis al è in funzion des 9.45 aes 18.15);

Sabide, des 9.45 aes 12.00 (l’elimine codis al è in funzion des 9.45 aes 11.45).

3)     Sede POS Glemone (Udin)

Place Rodolone, jentrade ambulatoris - plan tiere

Dal lunis al vinars, des 9.45 aes 18.30 (l’elimine codis al è in funzion des 9.45 aes 18.15);

Sabide, des 9.45 aes 12.00 (l’elimine codis al è in funzion des 9.45 aes 11.45).

torne sù

Coscj

La emission di copiis di documentazion sanitarie e compuarte il paiament di une sume, come che si lei te tabele sot, di fâ tai sportei CUP cuant che si presente la domande (Intese tra il Guvier, lis Regjons e lis Provinciis autonomis di Trent e di Bolzan sul document “Sistema CUP - Linee guida nazionali” dai 29 di Avrîl dal 2010 e DZR F-VJ n. 2034 dai 16 di Otubar dal 2015).

Copie di cjarte de cartele cliniche

€ 12,00

Altris documents o ats (tarife par sfuei)

€ 0,25

Singul CD o DVD

€ 5,00

Copie di ats o di documents aministratîfs (tarife par sfuei)

€ 0,25

     

Se la domande e je fate par pueste ordenarie o pûr par pueste eletroniche, si à di zontâi la ricevude dal paiament.

La eventuâl documentazion sanitarie no di cjarte (par esempli, esams radiologjics su CD) contignude intune cartele cliniche e je contizade e zontade aes tarifis di riproduzion de tabele parsore.

Utents che a domandin il recapit a domicili (dome pe Italie) de documentazion sanitarie:

la spedizion e ven fate in contrassegn cu la tarife a caric dal destinatari: i coscj a puedin lâ di 6 a 9 euros daûr dal pês de buste. Dut câs, ai Utents ur saran contizâts i coscj tal câs che no ritirin la documentazion spedide in contrassegn.

Utents che a domandin di mandâur la documentazion sanitarie tal forest:

lis tarifis di spedizion a domicili a son chês de tabele chi sot, e si à di paiâ in anticip (in plui dai coscj di riproduzion e di imbaladure, cuant che a son previodûts):

 

Copie  di cjarte de cartele cliniche, materiâl iconografic radiologjic su CD, DVD

€ 20,00

Altre documentazion sanitarie o aministrative

€ 5,00

 

IBAN e Cont corint postâl

Intestatari: Aziende pe Assistence Sanitarie n. 3 Friûl de Alte- Culinâr - di Mieç;

Plaçute Portuzza, 2  33013 - Glemone (Udin);

IBAN: UniCredit S.p.A n. di cont IT 51 J 02008 63880 000103533934;

Cont corint postâl: 34070326.

Si à simpri di scrivi la causâl dal paiament (par esempli: spesis di riproduzion di n. 1 cartele cliniche).

torne sù

Timps di emission

Se la cartele e je disponibile tal archivi Cartelis Clinichis tal moment de domande, la copie e ven dade fûr par solit:

  • tal câs di urgjence (ametude dome par motîfs sanitaris), dentri di 10 dîs (fûr che tal câs di dificoltâts specifichis);
  • tal câs che no sedi urgjence, dentri di 30 dîs dîs (fûr che tal câs di dificoltâts specifichis).

La copie dal CD e je disponibile dentri di 3 dîs di vore, se ritirade tal CUP; tal câs di spedizion a domicili, a chescj timps si àn di zontâ chei dal servizi postâl.

torne sù

Modulistiche

torne sù
ultime modificazion: February 25, 2019 Coments / Sugjeriments