Informative firme digjitâl
Cjârs Citadins, o desiderìn informarUs che
1) Inte AAS n. 3 "Friûl de Alte – Culinâr – di Mieç" e je ative la firme digjitâl sui referts medics.
2) La firme digjitâl e pues jessi definide "l'ecuivalent eletronic di une firme tradizionâl fate su cjarte", assumint il stes valôr legâl.
3) La firme digjitâl e rivuarde i referts prodots des Struturis di Presidi Ospedalîr di San Denêl e di Tumieç, e dal Presidi Ospedalîr pe salût di Glemone
4) La stampe consegnade e pues jessi puartade al propri miedi di fiducie o a un altri miedi specialist e doprade par ducj i fins là che nol vegni domandât un origjinâl o une copie autenticade (par chescj documents la domande e va indreçade ae Direzion Mediche Ospedaliere).
5) Il document sotscrit cun firme digjitâl al ven daspò sometût a archiviazion e conservazion legâl, par fâlu bon a ducj i efiets di leç e disponibil intal timp.
6) Dutis lis personis che a trataran i Vuestris dâts a son incjariadis, autorizadis e vincoladis al segret professionâl e di ufici. I sistemis informatics a operin in conformitât cu lis normativis in vore in materie e cu lis disposizions dal D.Lgjs. 196/2003 in teme di sigurece e privacy.
stampa