
AI 5 DI MAI: ZORNADE MONDIÂL DE IGJIENE DES MANS
Lavìnsi lis mans par ridusi il riscli di infezions leadis ae assistence e la difusion de resistence ai antibiotics.
Lis infezions leadis ae assistence (ICA) a son infezions acuisidis che a puedin verificâsi in ducj i ambits assistenziâi, comprendûts ospedâi par acûts, day-hospital/day-surgery, degjencis lungjis, ambulatoris, assistence domiciliâr, struturis residenziâls teritoriâls. A son la complicance plui frecuente e grave de assistence sanitarie.
La igjiene des mans e je considerade il fatôr plui impuartant pe prevenzion de difusion dai microorganisims tal ambient sanitari e e je promovude cussì ancje des diretivis de Organizazion Mondiâl de Sanitât (OMS) sul control des infezions leadis ae assistence e su la difusion de resistence ai antibiotics.
Lis liniis vuide dal OMS a sugjerissin che la igjiene des mans e pues jessi assicurade in maniere eficace sei dal lavament sempliç des mans sei de frizion alcoliche.
Cuant isal impuartant e indicât lavâsi lis mans tai lûcs di cure?
- Prime e dopo de visite a cualchidun in ospedâl/RSA
- Prime di cjapâ in man il mangjâ
- Dopo dal contat cun secrezions corporiis
- Dopo de rimozion des manecis, se dopradis
- Dopo di vê doprât i servizis igjienics
- Lavâsi cun aghe e savon [jpg - 152.19 KB] (il link al vierç une gnove barconete)
- Lavâsi cun soluzion alcoliche [jpg - 71.93 KB] (il link al vierç une gnove barconete)
- Aprofondiment 1 (il link al vierç une gnove barconete)
- Aprofondiment 2 (il link al vierç une gnove barconete)
- Aprofondiment 3 (il link al vierç une gnove barconete)
- Aprofondiment 4 (il link al vierç une gnove barconete)