Cuatri robis utilis di savê se si à o se si vûl cjoli un animâl
1) Ce sono i animâi di afezion convenzionâi? E chei no convenzionâi? E i animâi esotics?
Par animâl di afezion convenzionâl si intint il cjan o il gjat, lis dôs speciis che di plui milenis a àn subît un procès di domesticazion o di adatament al contest antropic.
Intai ultins agns, simpri plui animâi diviers dal cjan e dal gjat a son daûr a cjapâ pît intes nestris realtâts. Ducj chescj animâi a vegnin definîts NAC (Nuovi Animali da Compagnia - Gnûfs Animâi di Compagnie) e a cjapin dentri sedi i animâi no convenzionâi che chei esotics.
La diference principâl tra chestis dôs tipologjiis e rivuarde la divignince dal animâl: pampagai, retii, il riç african, a son di calcolâ animâi esotics parcè no son autoctons dal teritori talian.
I animâi No Convenzionâi, invezit, a son autoctons ma a son calcolâts no dumiestis, stant che no esist ancjemò une competence difondude par curâ e gjestî chescj animâi in ambit veterinari: a son duncje necessariis competencis e specializazions specifichis. Il cunin, par esempli, cussì tant che ciertis speciis di copassis, a ben che a sedin simpri plui presints intes nestris cjasis tant che animâi di compagnie, a son de categorie dai No Convenzionâi.
2) Âstu cjolt un cjan? Ve ce fâ par "metilu in regule"
Un piçul/adult cuistât o regalât, daûr de normative in vore, al à di za di vê il microchip, duncje al reste dome di fâ il passaç di proprietât che il so modul si pues scjariâ a chest colegament (.....)
Une volte scrit, al va consegnât al Comun di residence.
Un piçul, cun di plui, al domande une prime visite veterinarie par valutâ il stât di salût e par fâ i trataments profilatics/pes malatiis infetivis.
Cualsisedi animâl che al vegni adotât si cjate devant di une famee e di un ambient gnûf par lui, avigniment stressant dal sigûr: consulte un educadôr/istrutôr cinofil o un miedi veterinari espert in compuartament pes precauzions che a facilitaran l'adatament ae sô gnove vite!
3) Âstu pierdût/cjatât un cjan?
In câs che tu lu vedis pierdût, e je obligatorie la denunzie aes fuarcis dal ordin (vigjii urbans o carabinîrs). Si consee di telefonâ ai canìs locâi par verificâ se al è stât cjatât l’animâl, intal câs che il microchip no si rivi a lei.
|
CANÌS DI UDIN |
0432.601228 |
|
CANÌS DI TUMIEÇ |
3315841473 0433.44506 |
|
CANÌS DI RIVIS DARCJAN |
0432.801288 |
Intal câs che si cjati un animâl che al va ator pierdût, ferît o mancul, si segnale al 118. I operadôrs dal centralin a savaran indicâ il personâl di podê indreçâsi.
4) Âstu di lâ tal forest cul to animâl?
Par espatriâ cul propri animâl, ancje dentri de Union Europeane, al è obligatori il passepuart che al ven dât fûr dai Uficis Veterinaris des Aziendis Sanitariis.
|
San Denêl |
Vie Monte Festa, 4 |
MARTARS des 8 aes 10 |
|
Tumieç |
Canìs, Vie degli Artigiani |
LUNIS des 14,30 aes 16 |
|
Codroip |
Viâl Duodo, 82 |
MARTARS – JOIBE des 8 aes 9,30 |
|
Mortean |
Vie 25 Aprile, 1 |
MARTARS – JOIBE des 8 aes 9,30 |
E covente la presince dal propri animâl par verificâ il microchip. Il passepuart al è bon pal espatri dopo de vacine antirabiche fate di almancul 21 dîs. In cualchi Paîs, a son previodudis carateristichis acessoriis che a van verificadis câs par câs.
torne sù
stampa